العجز المكتسب

الطبيعي في الدنيا أن اﻹنسان أو أي كائن يعني لما يتعرض لوضع معين أو مشكلة ما..أن ربنا خالقه يقدر يصرف ويفكر ويعمل أي حاجة تطلعه من الموقف ده.

بس واقعيا يعني فيه ناس كتير بتحس لما تشوفها أنها عندها عجز كدة..اللي هو عمرها ما هطلع نفسها من موقف هي مش مرتاحة فيه أو بتضر..وتلاقيها بتكمل. فتبقى مش عارف تشك في فكرة أن أكيد كلنا عندنا القدرة على التصرف..وتحس يمكن ناس معينة اللي ذكية مثلا؟ ..وساعات لما أنت توصل للموقف ده برده تبقى مش فاهم أنت إيه اللي وصلك لده بعد ما كنت بتعافر مثلا؟

بعيدا عن المؤثرات كتير يعني فيه مؤثر منهم بيسموه "العجز المكتسب"..بتهيألي معرفته هتفرق مع شوية ناس..يمكن يفكره فيه بس.

في سنة 1967 قرر دكتور نفسي ..مارتن سيليغمان ( Martin Seligman) يعمل تجربة عشان يثبت الموضوع ده وبعيدا عن عدم انسانية التجربة يعني..هتلقوها أون لاين باسم learned helplessness

المهم يعني التجربة عبارة عن أن جابوا مجموعة كلاب وقسموها على تلاتة وحطهم في مكان مقفول يعني كل مجموعة وحدها.

المجموعة اﻷولى..كهربوها بس حطين لها حاجة زي زر كدة لو ضغطوا عليه الكهرباء تقف. فكان كل ما يكهربوهم..الكلاب فهمت أن لو داست على ده الكهرباء هتقف فبقوا بيدوسوا عليه..مهما أتكررالموضوع يعني.

المجموعة التانية: نفس الفكرة بيكهربوهم..بس مش حاطيين لهم أي وسيلة للتخلص من الكهرباء دي..فبالتالي مع تكرار الكهرباء..الكلاب بقيت لما تيجي الكهرباء ميعملوش حاجة وخلاص ويستسلموا للوضع.

المجموعة التالتة: عادي حطيتهم في مكان لا فيه كهرباء ولا أي بهدلة يعني..

بعدين جابوا نفس التلت مجاميع دول وحطوهم في مكان متقسم نصيين..نص هيبقى فيه الكهرباء والنص التاني هو اﻷمان..وما بين النصيين في سور قصير..

ومجرد ما شغلوا الكهرباء في النص بتاع الكهرباء..

المجموعة اﻷولى والثالثة..توصلوا أن ينطوا السور القصير ده ويوصلوا للمكان اﻷمن..بينما المجموعة التانية..معملوش حاجة..أي حاجة ..خالص

ودي كانت تهاية التجربة يعني اللي الناس في علم النفس بتقول أنها دليل على أن العجر مكتسب يعني..

وفيه رغي كتير لما تدور على التجربة على أزاي ممكن ناس تبقى عايزة حد/حيوان يوصل للعجز المكتسب ده..زي تقريبا بيقولوا بيطبقوا الفكرة دي في اصطياد الحيوانات لحديقة الحيوانات..بيبقى سبب عدم هروبهم بعد ما بيكبروا أن بيوصلوهم وهما صغيرين لتعلم العجز ده وأنه مش هيعرف يهرب..لحد ما بيفقد اﻷمل وبينسى أنه ممكن يعرف يكبر حتى لما بيبقى عنده قوة لما بيكبر

إيه الدرس المستفاد؟ ..كل واحد ودماغه بقى....خدت لموقف شخصي خير...سياسة لا سمح الله..خير ..أمراض نفسية زي الاكتئاب..أي حاجة..خير

اللهم نعوذ بك من العجز كله.